Праски со прелив од кафеав шеќер
Состојки
- 2 позрели праски
- по вкус сладолед од ванила
- по вкус сецкани бадеми
- Прелив од кафеав шеќер
- 4 лажици светло кафеав шеќер
- 6 лажици млеко
- 1 лажичка екстракт од ванила
Подготовка
За овој десерт потребни ви се позрели праски, бидејќи со нив поубав е вкусот.
1. Праските се лупат и се преполовуваат. Со пресечената страна се ставаат во грил тава и кратко време се запекуваат. За тоа време праските ќе омекнат и се чувствува мирис на марамалад од праски.
2. Преливот се прави на тој начин што сите состојки се ставаат во лонче и се загреваат додека не провријат. Се варат кратко време, додека шеќерот не се стопи и не се добие средно густ прелив (по вкус ако сакате погуст прелив варете го повеќе, а ако сакате поредок слободно додадете повеќе млеко).
3. Праските се служат во чаша со сладолед од ванила, прелиени со сосот од кафеав шеќер и посипани со сецкани бадеми.