Брзи грицки за финале
Состојки
- 2лажици сол
- 1 свеж квасец
- 250мл млеко
- 250гр путер или маргарин(може и свинска маст)
- 180гр зејтин
- 800гр брашно
- 100гр сусам(малку мелен ким)
- за премачкување
- 1 жолчка
- 1 лажица зејтин
Подготовка
Светското првенство во фудбал завршува. За финалето еве едни убави грицки кои со пиво убаво ја комплетираат целата атмосфера.
Подготовка
На почеток квасецот го ставаме во чаша со една лажица шеќер и една брашно размешуваме со малку млеко. Квасецот откако ќе стаса го ставаме во пластичен сад за замесување заедно со млекото зејтинот, омекнатиот путер, зејтинот, солта, сусамот и мелениот ким. Целата смеса ја замесуваме со брашното додека не ни се одлепи од пластичниот сад или додека не добиеме средно меко тесто. Веднаш почнуваме со формирање на грицките по желба јас ги искористив калапчињата од делимано. Направив и неколку во форма на бургии и вртени соленки. Пред печење ги премачкуваме со жолчка и зејтинот, малку посолуваме сол врз нив .Переците ги печеме на 220 степени петнаесетина минути.
За комплетен натпреварувалки дух ви е потребно и добро ладно пиво!!!