Колач со тиквички (zucchini slice)
Состојки
- 500 гр. крупно рендана нелупена тиквичка
- 1 главица ситно сецкан кромид
- 150 гр. сецкана панцета, шунка или по ваш избор сувомеснато
- 115 гр. брашно
- 1 лажичка пециво
- 80 гр. сецкан или крупно рендан кашкавал
- 5-6 јајца
- 70 мл. зејтин
- на вкус сол, бибер, магданос,
Подготовка
Нека го има и овој во рецепт во ризницата на тиквичките.
Постапка
- На зејтин испржете ги кромидот и сувомеснатото кое сте го избрале и оставете да олади.
- Брашното и пецивото измешајте ги.
- Јајцата со вилушка изматете ги, додадете го зејтинот во нив.
- Во брашното додадете и измешајте ги одстоените рендани тиквички кои лесно ќе ги стиснете со раката да се исцедат. Додадете ги оладените испржени кромид и сувомеснато, сецканиот кашкавал, овкусете на сол, додадете бибер и магданос. Измешајте добро, во оваа мешавина додадете ги лесно сматените јајца со зејтинот, измешајте да добиете еднолична смеса, излијте во тавче и печете на 180 степени околу 40 мин.
И така... добар апетит!
Убавината во колачот е тоа што е подеднакво добар и топол и ладен.
Вегетарјанците слободно нека го исфрлат сувомеснатото и ќе бидат задоволни.
Напомена
Внимавајте на солта земајки во обзир кашкавалот и сувомеснатото.