Салата со пилешко
Состојки
- 500 гр. пилешко
- за подготовка на пилешкото
- 1 лажица масло
- 2 лажички сенф
- 1 лажичка мед
- 1/2 лажичка црвен пипер
- прстофат сушен лук
- прстофат босилек
- 1/2 лажичка зачин за пилешко
- прстофат копар
- за салатата
- 1 зелена салата
- 3 домати
- 4 млади кромитчиња
- 100 гр. исецкани маслинки
- 100 гр. двопек
- 150 гр. кашкавал
- за сос
- 2 лажици маслиново масло
- 2 лажички сенф
- 1 лажичка мед
- 1/2 цеден лимон
- 1 лажиче сол
- прстофат зачин за салата
- 2 лажички пармезан
Подготовка
Пилешкото се сече на парчиња. Состојките за подготовка на месото се мешаат заедно и месото се маринира. Се остава така додека се загрева тавчето. Во загреаното тавче се става месото.
Кашкавалот се сече на коцки и се остава на страна. Двопекот се крши и исто се остава на страна.
Се сечат маслинките, кромидот, доматите и салатата во подлабок сад. Се промешува.
Пилешкото се превртува додека не зарумени. Пред да го извадиме внатре го додаваме кашкавалот, промешуваме и додаваме во салатата. Во истото тавче се става двопекот на веќе изгасната рингла.
Салатата се промешува и се додаваат состојките за сосот претходно измешани заедно. Се промешува и на тоа се додава двопекот. Промешуваме уште еднаш и наросуваме пармезан.
На здравје