Домашни интегрални лебчиња со трици
Состојки
- 300гр. пченично брашно
- 200гр. интегрално брашно
- 5 лажици трици
- 1/2 коцка квасец
- 1 лажичка сол
- прстофат шеќер
- по потреба топла вода(за замесување на тестото)
- За посипување
- по потреба ленено семе
Подготовка
Во подлабок сад измешајте ги пченичното, интегралното брашно и триците.
Додајте го квасецот, прстофат шеќер и сол.
Со топла вода од состојките замесете меко тесто.
Покријте го и оставете убаво да стаса.
Од стасаното тесто формирајте топчиња и наредете ги на набрашнет плех.
Посипете ги со ленено семе и оставете ги да стасат уште 20-тина минути.
За тоа време загрејте ја рерната на 200 степени.
Ставете ги лебчињата во загреаната рерна и печете околу 30 минути(зависно од рерната).