Меки кајзерици со ’ржано брашно
Состојки
- 2 лажички брашно
- 4 лажици шеќер
- 1 сув квасец
- 50-60 мл вода да стаса квасецот со горните состојки
- 750 гр бело брашно со 40% ржано брашно во него
- 1 лажичка сол
- 12 лажици масло
- 500 мл вода
- За премачкување
- 2 лажици сенф
- 1 лажица брашно
- 3 лажици вода
- 1 лажица масло
- 2 лажици мелено семе од сусам
- 2 лажици мелено семе од тиква
Подготовка
Немам нешто посебно да кажам, освен дека се меки, вкусни и одлично одат со секое јадење.
Го ставаме квасецот да се активира со останатите состојки. Во сад го ставаме брашното, маслото, солта и замесуваме со млаката вода, на меко. Тестото го удираме од висина едно 30-40 пати и потоа го ставаме да стаса намачкано со масло. Бидејќи е со ржано брашно, ќе му треба малку подолго време за стасување.
Откако ќе се дуплира тестото, го размесуваме и од него правиме топчиња, на масло, кои ги редиме во подмачкан со масло, плех или пак на хартија за печење. Секое топче го мачкаме со масло, па со смесата со сенф и одозгора посипуваме со мелените семиња. Ги оставаме некои 10-15 минути да стасаат па ги печеме во загреана рерна на 200 степени, додека да поруменат.
Можеби и нема да ви треба толку вода за замесување на тестото, ама тоа зависи од влажноста на брашното.