Испечати

Струфоли - пржени крцкави колаченца

Струфоли - пржени крцкави колаченца

Состојки

  • Тесто
  • 2 средни јајца
  • 3 лажици шеќер
  • 30 гр путер или свинска маст
  • 1 лажица рум, мастика, бренди или лимончело ликер
  • рендана кора од половина лимон и портокал
  • прстофат сол
  • 200 гр брашно
  • Прелив
  • 150 гр мед
  • 2 лажици шарени шеќерни трошки
  • По потреба
  • масло за пржење

Подготовка

Овие италијански пржени колаченца обично се прават за Божиќ или за време на карневалските денови, но моите деца ги сакаат и затоа почесто си ги правиме.

Во еден сад ставете ги сите состојки за тесто и убаво измесете го да се добие изедначено тврдо тесто. Готовото тесто покријте го со крпа и оставете го да одмори најмалку половина час. Потоа премесете го.
Од тестото кините парчина и на малку набрашнета или намрсена површина правите стапчиња дебели колку еден прст. Со нож исечете ги на многу мали парченца. Кога сите ќе се готови во повисока тава загрејте го маслото и пржете ги на среден оган додека добијат кремаста боја и внимавајте да не потемнат.
Пржени извадете ги на кујнска салфетка.
Откако сите ќе ги испржите, медот ставете го во тенџере и загрејте го колку да се растопи. Додајте ги струфолите и шеќерните трошки и убаво измешајте ги.
Префрлете ги во голема чинија и послужете ги.