Deliciozi Макарони
Состојки
- 500 гр макарони
- 1 парче зелена пиперка
- 1 голема главица кромид
- 100 гр рукола
- 2 лажици путер
- 100 мл маслиново масло
- 150 гр било каков млечен кашкавал
Подготовка
Мислејќи што да биде денешниот ручек, се одлучив за Макароните Делициози кои си најдов на интернетов.Реков да пробам, па ако ми се допаднат ќе ви ги пренесам и вас.Значи, штом ме има овде рецешптот беше супер.
Ставете ги макароните да се сварат во посолена вода. Додајте и маслиново масло при варењето.
На страна ставете путер да се растопи па додајте го ситно сецканиот кромид и зачинете со сол и црн бибер. Нека се пропржи убаво кромитчето,само пржете на потивко, да стане како кристално,па додајте ја ситно сецканата зелена пиперка.
Оставете да покрчка, а потоа префрлете ги варените и цедени макарони.
Промешајте нека се соединат со смесата. Зачинете со босилек и кари.Пред крајот додајте ја руколата сецкана на појадри парчиња, а за самиот крај оставете го кашкавалот да се разлее врз макароните.Промешајте и служете топличко.
Забелешка
Попаметно било руколата да не се сецка со нож, ама јас ете ја исеков. ќе истражувам малку повеќе за неа. Дознав дека е многу богата за со витамини кои помагаат за здрави коски.
На здравје.