Фетучини со грашок и пилешко месо
Состојки
- 500 гр. фетучини (или друга тестенина)
- 500 мл. павлака за готвење
- 3 лажици рендан пармезан
- 1 чешне лук (толчено)
- 300 гр. грашок (свеж или замрзнат)
- 4 парчиња пилешки гради
- по вкус сол, бибер, магдонос, пармезан
Подготовка
Подготовката на овие тестенини оди вака.
1. Најпрво се зачинува месото со сол, бибер, лимонов сок, малку масло и се остава околу половина час да се маринира. Потоа се пржи на грил тава отприлика по 7 мин. од секоја страна. Се остава да одстои додека се спреми тестенината.
2. Тестенината се вари според упатството од кесичката. Околу 3-4 мин. пред да биде готова, течноста се истура (се зачувува 1 чаша) па се додава павлаката, лукчето, сол, мелен свеж бибер, грашокот и течност толку колку што е потребно за да се направи убав сос. Се додаваат и 3-4 лажици рендан пармезан.
3. Месото се сече на тенки парчиња и се додава во сосот или се сервира врз тестенината.
4. Се сервира и обилно се посипува со мелен свеж бибер, пармезан, магдонос.
На здравје нека ви е.