Јегер - Jegermaister

Подготовка

Веќе 2 сезони овој аперитив не успевав да го спремам бидејќи го промашував времето на зелените ореви. Можеби сега и јас ќе бидам таа, што ќе ви го презентира рецептот, а вие ќе успеете да го спремите дури следната година (а можеби во поладните места сепак има уште време за него, па затоа и го презентирам уште не довршен во целост. Па, како многу кои го правеле до сега биле задоволни и јас исто се надевам на таков исход)

Припремата е најдобро да се врши во поголема тегла, заради полесно мешање и цедење на крај. Кој нема и стаклено шише ќе заврши работа.
Значи, во теглата најпрво се става ракијата, зелените ореви (од кои дел можи да исечите на половинки) и шеќерот.
Вака спремената тегла се остава да стои на сонце 3 недели. Секој ден или на неколку дена се промешува.

После 3 недели, содржината се процедува и се враќа во истата тегла, предходно измиена. Се додаваат корите од лимонот и портокалот (изрендани или ситно исецкани), малку сок од лимонот и сок од половина портокал. Се додаваат и зрната кафе и стапчето ванила (ако не најдите стапче ванила, ставете 5 пакетчиња ванилин шеќер или арома од ванила во тој сооднос).
Теглата повторно се затвора и се остава да одстои уште 2-3 недели.
На крај содржината се цеди и се претура во шише.
Се служи разладено.