Македонска салата со бадеми
Состојки
- 1 свежа краставица
- 500 гр сирење рендано
- 350 гр шунка
- 250 гр мајонез
- 500 гр кисела павлака 24 %
- 150 гр бадеми мелени (непечени)
- сол, црн пипер по вкус
Подготовка
Освежителна салата, која ми е рецепт од мојата драга колешка Мирјана.
Краставицата и шунката ги сечкаме на ситни коцки. Сирењето го рендаме, а бадемите ги мелеме. Сите состојки ги промешуваме и зачинуваме. Од оваа доза излегуваат два вакви сада. Можете да калкулирате со мајонезот и павлаката, па да ја добиете густината на салатата која ја сакате. Мене ми се допадна вака како што е напишан рецептот.