Бомбици од сирење
Состојки
- 300гр кравјо сирење
- 2-3 рендани кисели краставички
- 100гр. шунка или какво сакате сувомесно
- 1 лажиче оригано
Подготовка
Овие бомбици одамна ги видов во некој весник, па од тогаш секогаш си ги правам за родендени или слави. Краставичките ги рендаме и ја цедиме водата од нив. Шунката ја сецкаме ситно. Сирењето го гмечиме со вилушка и во него ги додаваме шунката и краставичките и 1 лажичка оригано.
Правиме бомбици од смесата.
За декорација можете да ставете буковец, оригано или свеж магданос ситно исецкан. Лесно и брзо и интересно.