Пилешки плескавици
Состојки
- 400 гр пилешки гради
- 1 јајце
- 1-2 лажици лебни трошки
- 1 лажица мешан сув зачин
- 1 младо кромитче
- бибер по вкус
- масло за пржење по потреба
Подготовка
Пилешките гради ги ставаме во сечко и ги сечкаме до сомелување. Кромитчето ситно го сечкаме. Ги ставаме останатите состојки освен маслото кое ни е за пржење. Ако е потребно, ако е ретка смесата додаваме и повеќе лебни трошки. Промешуваме и ја оставаме смесата за плескавици 1-2 часа во фрижидер (ама и не мора). Формираме плескавици и ги пржиме во загреано масло во тава која не лепи.
Ако ви се лепи меленото месо на раце, ставете си малку масло и формирајте топка, па потоа расплескајте ја. Во зависност колкава големина ќе сакате да ви бидат плескавиците, од оваа смеса обично излегуваат околу 10 со средна големина.