Благо мече со јогурт (турте)
Состојки
- 800гр. брашно
- 1 пециво
- 1 ванила
- 1/2 лажиче цимет
- 1/2 лажиче сода бикарбона
- 1 парче рендана кора од лимон
- 300гр. шеќер
- 10 лажици масло
- јогурт по потреба
- за декорација суво грозје
Подготовка
Секоаш се радував кога се правеше турте дома, а тоа беше многу често, не чекавме никнување на прво запче. Истото и сега го правам кога ни фали нешто благо дома, веднаш се замесува турте и се е под контрола.
Во подлабок сад ги ставаме сите состојки и постепено го додаваме јогуртот. Треба да добиеме не многу меко тесто и правиме форма по желба, а можи и само да го ставите цело тесто во намрсено тавче и да го испечите. За очите и за устата овој пат со син ми употребивме суво грозје. Печиме на 190 степени околу 35 мин.