Погачки од кисело тесто
Состојки
- 700гр брашно
- 1 кесичка сув квасец (10 гр)
- 200мл јогурт
- 150мл кисела вода
- 1 лажица сол
- 1 лажица шеќер
- 5-6 лажици зејтин
- премаз
- 5-6лажици јогурт
- 1 лажица сенф
- 150гр маргарин
Подготовка
Брашното се меша со солта, шеќерот и сувиот квасец.
Киселата вода се загрева и се меша со јогуртот да не биде ладен. Се замесува тесто и се остава да се одмори да стаса.
Од како ќе стаса во тепсијата во која ќе се печат лепчињата се истура зејтин колку да може лепчињата да се провалкаат низ зејтинот - околу 5-6 лажици.
Се зема од тестото колку пинг-понг топче, се расплескува во рака, се провалкува од сите страни во намастената тепсија и се редат во круг.
Од како ќе се наредат сите топчиња со ножици или нож се засекуваат на неколку места и се премачкуваат со премазот. Најгоре се става маргаринот насечен на потенки парчиња и од како ќе стасаат погачките се печат на 200степени додека зацрвенат, а потоа уште 10 минути на 150.
Овие погачки-лепчиња имаат посебен вкус затоа што се прават со закиселен јогурт.
Значи кога ќе ви остане вишок кисело млеко кое веќе почнува да закиселува-да ферментира искористете го за овие погачки и ќе добите превкусни топли лепчиња, а и ќе го искористите закиселеното млеко или јогурт.