Oриз со кисело млеко
Состојки
- 1 чаша ориз
- 2,5 чаши вода
- 1 чаша кисело млеко
- 1 главица кромид
- 1 лажица зачин
- 1/2 лажичка црн бибер
- 200гр свинско димено месо
Подготовка
Кромидот се сече на ситни коскички и се пржи на зејтин. Кон пржениот кромид се додава измиениот ориз и се пржи додека стане стаклест. Ако убаво се испржи се избегнува можноста да се лепи.
Оризот се зачинува по вкус, се додава киселото млеко и водата и убаво се меша. Се префрла во тавче во кое ќе се пече и се става во загреана рерна 20-25 минути. Во тавчето се распоредува и свинското месо.
Може да се подготви и без месо или месо по свој избор но оваа комбинација навистина е вкусна.