Торта Срце
Состојки
- За три кори
- 9 јајца
- 9 супени лажици шеќер
- 9 супени лажици брашно
- 3 супени лажици какао
- 1 пакетче пециво
- За фил
- 3 пудинга од ванила
- 700 гр млеко
- 250 гр маргарин ( кристал ) коцка
- 200 гр шеќер
- 10 крем бананчиња
- 100 гр ресана
- 100 гр желе бонбони
- 100 гр сецкани лешници
- За декорација
- 350 гр локум
- 350-400 гр шеќер во прав, прехрамбена боја
- 5 цветови
Подготовка
Начин на подготовка
3 јајца се матат со 3 лажици шеќер убаво, потоа се додава 3 лажици брашно, 1 лажица какао и малку пециво ( 1 пакетче пециво за сите 3 кори )
Се истура во подмачкано плехче и ако имате калап срце, а доколку немате во 28 бр.и после со картон си сечете срце. Се прават и 3 вакви кори и се оставаат да се ладат.
Фил
Млекото и шеќерот се ставаат да зовријат кога е зовриено се истура претходно разматениот пудинг се меша додека згусне и се трга да се излади. Откога е ладно се мати со маргаринот и филот се дели на 2 дела. Во едниот дел се става сецкани крем бананчиња и сецкани желе бонбони, а во 2 дел се става сецкана ресана и сецкани лешници се меша и се филува тортата.
Јас секоја кора си ја прскав со рум за поубав вкус сепак тоа е по желба.
За декорација користев локум и шеќер во прав убаво измесено додадов и боја меѓутоа можете и со фондан да си декорирате. Ставив и 5 (купени) цветови.