Млечни колачиња
Состојки
- 200гр. шеќер
- 100мл. вода
- 100гр. путер
- 250гр. мелени ореви
- 100гр. млеко во прав
- 2-3 лажици бел крем
- 200гр. бело чоколадо за готвење
Подготовка
Започнуваме најпрво со правење на шербетот.
Ги зовриваме шеќерот и водата и потоа го додаваме путерот. Кога ќе се стопи путерот тргаме од оган и постепено го додаваме млекото постојано биејки за да нема грутчиња.
Оставаме да се излади и ги додаваме мелените ореви и кремот.
Правиме бомбици ги оставаме да се стегнат најдобро преку ноќ, а следниот ден секоја бомбица ја закачуваме на чепкалка и кратко ја мацкаме во топено бело чоколадо.
На здравје!!!