Солени пилешки мафини
Состојки
- За мафините
- 1 пилешки батак со карабатак
- 2 јајца
- 100гр. павлака
- 150гр. брашно
- 1 лажичка квасец во прав
- пола лажичка сода бикарбона
- 1 лажичка шеќер
- 1 лажичка сол
- 30мл. маслиново масло
- За кремот
- 100гр. павлака
- 1 голем компир
- 1 лажица маслиново масло
- попотреба сол
- 50гр. мелени ореви
Подготовка
Еве ви еден лесен предлог за мафини кој може да ги послужите како појадок или предјадење.
Подготовка на мафините
Најпрво пилешкиот батак со карабастак сварете го во солена вода. Откако ќе се свари исчистете го од коските и исечкајте го или искинете го на малку парчиња.
Во сад за матење со жица матете ги јајцата со павлаката, брашното, квасецот, содата, шеќерот и солта. Матете додека смесата не стане хомогена, а потоа додајте ги во садот и парчињата пилешко. Смесата распоредете ја во 6 калапчиња за мафини и печете 30 до 40 минути на 180 степени додека не заруменат. Откако ќе бидат печени оставет ги да оладат, а во мегувреме спремајте го кремот.
Подготовка на кремот
Компирот сварете го зачинете со со сол и маслиново масло и испасирајте го како пире. Оставете го да се излади малку. Откако ќе се излади додадете ја и павлаката и мешајте со вилушка додека смесата не стане хомогена. Потоа смесата префрлете ја во готварски шприц и декорирајте ги мафините. На крај поросете ги мафините со сецкани ореви.
Совет
Доколку вашите калпчиња не се силиконски како во мојот случај ви препрачувам пред да ја нанесете смесата да ги намастите и набрашнете.