Салата со грилувано пилешко
Состојки
- За салатата
- 1 парче пилешки гради
- 1/2 марула
- 2 домати
- 1 мала главица црвен кромид
- 1 шољичка замрзната пченка
- сол и бибер за зачинување на месото
- За дресинг
- 2 лажици кајмак
- 2 лажици неутрална млечна павлака
- 1/2 лажица мајонез
- 1 лажичка соја сос
- 1 лажичка јаболков оцет
- 1/2 лажичка мелен црвен пипер
- 1/2 лажичка бибер
- 1/4 лажичка сол
Подготовка
Пилешките гради зачинете ги со сол и бибер, засечете ги подлабоко на неколку места ако е подебело парчето и испржете ги на грил тава на малку масло (или најдобро на вистинска скара). Кога ќе биде готово завиткајте го во фолија и оставете го да се одмори околу 10 минути.
Марулата исечете ја на долги ленти, доматите на коцкички, кромидот на полумесечинки. Пченката ставете ја да се обари во врела вода околу 5 минути и процедете ја, а месото исечкајте го на тенки парчиња.
За дресингот измешајте ги сите состојки.
Во поголема чинија ставете ја прво марулата, потоа доматите, кромидот, пченката и на крај пилешкото месо. Прелијте со дресингот и уживајте.
Пријатен апетит!
Кајмакот може да го замените со кисела павлака за полесна верзија.