Полнета погача
Состојки
- 500гр брашно
- 1 коцка свеж квасец
- 250мл млеко
- 1 лажица шеќер
- 1 лажичка сол
- 2 јајца
- фил
- 250гр сирење или урда
- 3 зденки
- 4 лажици ленено семе
- 3-4 лажици кисело млеко или павлака
- За премачкување 1 јајце и 2 лажици семиња(ленено семе и сончоглед)
Подготовка
Квасецот се става во млакото млеко да стаса. Одкако ќе стаса се замесува тесто со брашното, јајцата сол и шеќер. Се обликува мазно тесто и се остава околу 40 минути да стаса.
На набрашнета маса се сука правоаголна кора и се мачка со фил.
За филот ако имате урда тогаш се посолува малку и се додаваат зденките и павлаката. Убаво се соединува. Ако користите сирење тогаш без сол и поубаво е да се додаде млеко за да се одземе од соленоста.
Кората се витка во ролат и се сече на два дела-едниот подолг за околу, а другиот помал за внатрешниот дел-за средината. Се става прво помалиот дел завиткан во круг. Околу него се става поголемиот дел и со ножици се засекува, ама не до крај.
Стасаната погача се премачкува со јајце, се поросува со сончоглед и лен и се става на печење.
Се пече додека зацрвени, а потоа се покрива со фолија и се тишти на пониска температура.