Сендвич колачиња со афион
Состојки
- 250гр. маргарин(собна температура)
- 1 јајце
- 7 лажици шеќер
- 100гр. афион
- 350гр. брашно
- 1 ванила
- За лепење на колачињата
- околу 200гр црн крем
- 1 лажица маскарпоне
Подготовка
Во сад за матење ставете ги маргаринот, шеќерот и ванилата.
Матете додека не станат пенести.
Додајте го јајцето и матете додека се соединат убаво.
Потоа додајте го афионот и брашното и замесете тесто.
Тестото завиткајте го во најлонска фолија и оставете да стои во фрижидер 30 минути.
Од тестото меѓу 2 листа хартија за печење развлечете кора со дебелина по ваша желба и со калап вадете форми.
Колачињата наредете ги во плех обложен со хартија и печете на 180 степени, 15 минути.
Kремот измешајте го со маскарпонето.
Сите колачиња спојте ги со оваа мешавина од еурокрем и маскарпоне.