Брза пролетна пита
Состојки
- 2 јајца
- 200мл. јогурт
- 125мл. зејтин
- 2 чаши брашно (од 250мл.)
- 1 пециво
- 100гр. сирење
- 100гр. зелени маслинки
- 3 парчиња млад кромид
- 1 голем домат
Подготовка
Брз рецепт, кога немате многу време, а сакате убав појадок. Сосотојките може да си ги смените, во зависнот што во моментот имате на располагање.
1. Доматот, маслинките и кромидот ситно исецкајте ги и ставете во подлабок сад. Користев зелени маслинки со пиперче за да биде пошарено. Додадете го брашното и со лажица убаво промешајте за да се набрашнат состојките. Додадете го и пецивото. Потоа една по една додавајте ги водените состојки, јогуртот, зејтинот и јајцата и убаво промешајте да добиете густа (слична на проја) смеса. На крај додадете го и дробеното сирење и уште еднаш промешајте.
2. Плех со бр. 32 намрсете го, претурете ја смесата,израмнете и наросете сусам, па ставете да се пече во претходно загреана рерна на 220С. Се пече 25-30 мин, односно додека не добие убава боја и чепкалката не излезе сува.
Малку нека се излади па послужете со чаша јогурт.
Добар апетит =)