Посна салата со макарони и посен прелив
Состојки
- 500 гр макарони
- 200 гр пченка
- 100 гр морков
- 1 парче брокула
- Прелив
- 500 мл вода (по потреба масло)
- 3 лажици густин
- 1 лажица мешан сув зачин
- 1 лажица сенф
- 1 лажица сок од лимон
Подготовка
Се варат макароните заедно со морковот кој е сецкан на коцки и пченката. При крајот се додава брокулата само малку да се обари. Се цеди водата. Се посолува и се прелива со преливот.
Прелив
Во тенџере се става водата со мешан зачин(може и малку масло ). Се додава густинот и се вари додека да се згусне. Се става сол, бибер, зачин, сенф и лимон и се прелива салатата.
Се сервира и топла и ладна.