Фарбање јајца со ориз
![Фарбање јајца со ориз](https://moirecepti.mk/content/uploads/2014/04/79_Jajca_so_oriz-32a159-300x300.jpg)
Состојки
- бели варени јајца
- 1 лажица ориз за секое јајце
- парчиња исечени хулахопки
- бои за фарбање
Подготовка
Во парчињата хулахопки ставете по една лажица ориз и додека ја собирате хулахопката да ја врзете распоредувајте го оризот по целата површина на јајцето. Ако ставите помалку ориз ќе добиете како зеленото јајце на сликата (мене така ми е поубаво). Цврсто врзете, и јајцето е спремно за фарбање. Постапката за фарбање е иста како и за обичните јајца.
Кога ќе го извадите јајцето од фарбата оставете го само кратко да се исцеди и веднаш извадете го од хулахопката и тргнете го оризот. Ставете го да се суши и премачкајте го со малку масло за сјај.
Хулахопките не треба да бидат скинати, ќе излегува оризот =)