Шеќерпаре со ореви и кокос
Состојки
- 6 финџали масло (мали финџали за кафе)
- 3 финџали вода
- 800гр. брашно
- 100гр. гриз
- 200гр. толчени ореви
- 100гр. кокосово брашно
- 1 пециво
- 1кг. шеќер (за шербет)
- 800мл. вода (за шербет)
Подготовка
Најпрво ги зовриваме водата (3 финџали) со маслото и кога ќе зовријат се трга настрана и се додаваат брашното, пецивото, гризот и оревите со постојано мешање со лажица (маталка).
Од добиената смеса правиме форми по желба, јас земав по малку од смесата на дланките ја сплескував и потоа го превиткував парчето истовремено стиснувајки го.
Печиме кратко околу 20 мин. на 180 степени. Ги вадиме од рерна и дури се уште млаки ги натураме со сварениот и млак шербет. На крај се валкаат во кокос, а ако не го сакате кокосот не мора.