Марципан торта
Состојки
- 5 јајца
- 7 мали филџани ( за кафе-100 мл) шеќер
- 3,5 мали филџани масло
- 4 мали филџани млеко
- 7 мали филџани брашно
- 5 мали филџани мелени ореви
- 1 пециво
- фил за премачкување на испеченото тесто
- 125 гр маргарин
- 125 гр млеко
- 150 гр шеќер
- 150 гр црно чоколадо
- 150 гр мелен орев
Подготовка
Прво во вангличка се ставаат јајцата со шеќерот и се матат малку подолго, околу 10 минути, односно се додека не се растопи шеќерот.
Потоа постепено се додаваат течните, па сувите состојки.
Лесно се промешува со лажица и смесата се истура во калап, обложен со хартија и се печи. Се лади.
За филот во тенџере на оган се ставаат млекото, шеќерот, маргаринот да провријаат 1-2 минути. Потоа се додаваат чоколадото да се растопи и оревите. Убаво се соединува.
Овој фил се нанесува врз испечениот колач. Се сечи на коцки.
Напомена – се користи еден ист мал филџан за сите продукти.
Многу мек и вкусен колач од богатството на ореви.
Често спреман во мојот дом за Велигденската трпеза.