Топчиња од јаболки (посно, веган)

Подготовка

Овој рецепт стои запишан во мојот тефтер 4-5 години. Никако да дојде на ред да се проба.
Е па еве конечно се проба. Иако домов ни е атеистично не постачки, ни доаѓаат гости кои постат, па секогаш се трудам да им приготвам нешто убаво.

Лесно за подготовка и малку досадничко бидејки треба да се меша (зева од досада)

На оган се става водата со шеќерот убаво да зовријат и да згуснат. Јас го користев Делимано длабокиот сад до рачки.
Додека водата и шеќерот се варат, се рендаат јаболките и се цеди сокот од портокалите.
Се додаваат во садот со шербетот и се вари додека не згусне убаво (дополнителна слика)
На крај се додаваат мелените бадеми и циметот и повторно убаво се промешува за да се соедини.
Се остава смесата да се олади и се прават бомбици кои се валкаат во кокос.

Рок на траење ми личи како да немаат. Прво стоеа во фрижидер скоро една недела, а сега за тест имам оставено на собна температура 4 топчиња и не се расипуваат. Како желе се.

Ако немате мелени бадеми, може а ставите некое друго јаткасто овошје, ореви или кикирики. Убав шмек им дава.

Ако ме снема извесно време, не паничете. Не е од топчињата. Два диносауруси ми рикаат по дома =))