Солена Велигденска погача
Состојки
- 125 мл млеко
- 125 мл јогурт
- 100 мл кисела вода
- 1 јајце
- 1 квасец
- 1/2 лажиче пециво
- 50 мл масло
- 1 лажиче сол
- 1 лажиче шеќер
- 500 гр брашно
- 80 гр маргарин за премачкување
- 1 јајце за премачкување
- сусам, афион
Подготовка
Прво се остава квасецот во топлото млеко со шеќерот да втаса.
Потоа се додаваат останатите состојки.
Се замесува средно тесто.
Се дели на 4-5 топки.
Од секоја топка се сучи коричка и се премачкува со маргарин.
Се редат една врз друга.
Најгорната кора не се мачка со маргарин.
Од така добиената топка тесто се сучи долга правоаголна кора.
Се премачкува со маргарин и по желба се ренда сирење.
Се завиткува во ролат.
Ролатот се сечи на 10 парчиња широки по 3-4 цм.
Се редат во округла тава бр.28.
Се премачкува со јајце и наизменично се наросува со сусам и со афион.
Се остава да кисни 30 минути и се печи.
Убава погача која ќе ја збогати Велигденската трпеза