Јајца од сирење
Состојки
- 400гр. младо сирење
- 250гр. павлака
- 1 зелена пиперка
- 1 црвена пиперка
- пола лажичка сушен мајоран
- пола лажичка сушен магданос
- пола лажичка сушено нане
- по потреба сол и црн пипер
Подготовка
1. Измешајте го сирењето со павлаката.
2. Зачинете со зачините и убаво промешајте.
3. Измијте ги пиперките и ситно исечкајте ги.
4. Обликувајте јајца од приготвената смеса од сирење и внимателно извалајте ги во исечканите пиперки.
5. Оставете ги да се изладат 2 часа и послужете.
Мене најмногу ми се допаѓаат со салата од домати како предјадење.