Парен колач со кисело млеко
Состојки
- 2 јајца
- 15 лажици шеќер
- 1/4 кисело млеко
- 10 лажици зејтин
- 20 лажици брашно
- 1/2 лимон
- 1 пециво
- прелив
- 1 чаша шеќер
- 1 чаша вода
- фил
- 1/2 чаша вода
- 1 чаша шеќер
- 1/2 чаша какао
- 1/2 чаша крем
- 100гр маргарин
Подготовка
Јајцата се матат со шеќерот додека не запенат. Кон јајцата се додава зејтинот, киселото млеко и се меша со вилушка или жица. Одкако ќе се соедини смесата се додава брашното, пецивото, сокот од лимон и 2 лажици од филот. Смесата убаво се меша и се сипе во плех на хартија да се пече. Обично плехот е со диимензии 30-40, а смесата се пече околу 20 минути на 180 степени.
Одкако ќе се испече се остава да се излади и се прелева со сварениот шербет од шеќер и вода. Со лажица внимателно се распоредува шербетот.
Фил
Водата, шеќерот, какаото и маргаринот се загреваат додека зовријат. Се меша постојано и одкако ќе се олади се додава и кремот. Филот се изедначува и се премачкува врз колачот.
Рецептот е многу стар и често е подготвуван само пандиспанот како самостоен колач .