Лажен чизкејк
Состојки
- Бисквит
- 300 гр брашно
- 100 гр путер
- 100 гр шеќер
- 1 прашак за пециво
- 2-3 филџани ладна вода
- Фил 1
- 1 л млеко
- 3 пудинзи од ванила
- 8 лажици шеќер
- 3 чашки кисела павлака (од по180 мл)
- Фил 2
- Шлаг Крем Полимарк
- Црвен прелив од вишни
- 100 гр вишни
- 1 желатин
- 100 мл вода
- 3 лажици шеќер
Подготовка
Како за почеток решив дружењето на Мои Рецепти да го почнам со овој рецепт, често го правам и навистина е посебен и освежителен.
Бисквит
Се замесува тесто од сите состојки, да не се лепи за рацете. Потоа се развлекува кора колку што е тепсијата, јас ја правев во тепсија број 30 и со помош на сукалото се пренесува кората во тепсијата. Малку се притиска со рацете и се остава настрана.
Фил 1
Се вари млекото со пудинзите и шеќерот и се остава убаво да се излади. Потоа се мати малку со миксер, па се додаваат киселите павлаки и пак убаво се мати. Овој фил се тура врз кората и се заедно се пече околу 40 минути на 180 степени.
Фил 2
Се мати шлаг кремот и откако ќе се излади печената торта се става и шлагот.
Црвен прелив од вишни
Се раствора желатинот во 100 мл вода и се тура во тенџере да се вари, без да зоврие заедно со вишните и шеќерот. Потоа се трга од оган и оставаме да се излади убаво. Откако ќе почне да се згуснува се тура врз шлагот и убаво се распоредуваат вишните. На крај лажниот чизкејк се става во замрзнувач неколку часа, па потоа се сервира.
На здравје!