Погачки со павлака
Состојки
- 1 чаша кисела павлака
- 250гр маргарин
- 500гр брашно
- 1/2лажичка сол
- 2 жолчки
- 1/2 лажица шеќер
- за премачкување
- 1 жолчка
Подготовка
Се замесува тесто од сите состојки.
Брашното се сее и се става во подлабок сад. Киселата павлака се разматува со вилушка заедно со жолчките и се додава кон брашното. Маргаринот се сече на лентички и се замесува тесто кое треба да биде мазно, па се остава да се одмори 30 минути.
На набрашнета маса се развлекува кора и со чаша или друга модла се ваѓаат погачки. Се редат во подмачкан плех и се печат околу 20-25 минути на 180 степени. Пред печење се премачкуваат со разматена жолчка и се наросуваат со семиња по вкус.