Цвет кифли со колбаси
Состојки
- За тесто
- 500 гр брашно
- 250 мл млеко
- 125 гр путер или маргарин
- 1/2 свеж квасец
- 1 лажичка шеќер
- 1 јајце
- 1 лажичка сол
- За фил
- 3 полубарени колбаси
- 200 гр урда или сирење
- 1 лажичка кисела павлака
- 1 лажичка лук во прав
- 1 лажичка буковец
- прстофат оригано
- 1 јајце
- сусам, ким, сол по потреба
Подготовка
1. Во еден сад го соединуваме шеќерот, квасецот, малку млеко, 1 лажичка брашно и добро го промешуваме. Го оставаме да нарасне.
2. Го замесуваме тестото со сите состојки и нараснатата смеса со квасецот.
Путерот треба да ни биде на собна температура. Месиме додека тестото почне да се одвојува од ѕидовите на садот во кој го месиме. Го оставаме да нарасне, да се дуплира.
3. За филот сите состојки ги соединуваме, а кобасиците ги сечеме на помали парчиња.
4. Тестото го размесуваме, со сукало го сукаме до дебелина од околу 0.5 см( што потенко тоа подобро) и со чаша или калапче вадиме идентични кругови. На средина на еден круг ставаме од филот и парче кобасица врз него. Малку ја обвиткуваме со тесто кобасицата. Со наредните 4 круга ја обвиткуваме, така да добиеме цвет.
5. Калапот за мафини го намрсуваме со путер и секој формиран цвет го ставаме во него. Цветовите ги премачкуваме со јајце и сусам. Печеме во загреана рерна на 200 степени, додека не поруменат.