Солена розен торта
Состојки
- 1 пак. розен кори
- 100 мл павлака за готвење
- 200 гр органско козјо сирење
- 350 гр изварка, урда
- 100 гр рендана чајна колбасица
- 230 гр маргарин
- 300 мл кисела павлака
- 75 гр кајмак, топено сирење, намаз (што сакате, тоа)
- по желба, ситно сецкан магдонос
Подготовка
Најпрво се загрева павлаката за готвење заедно со ренданиот чаен колбас.
Кога почнува да се згуснува, се додава издробено козјото сирење и исецканиот маргарин.
Се меша на умерен оган додека се изедначи смесата. Потоа се додава и урдата, павлаката и кајмакот. Се меша и се вари уште неколку минути, додека се убаво се соедини и добие кашест изглед. Оставете го потоа да лади. Од време на време мешајте за стопениот маргарин убаво да се распореди и здрви. Кога ќе е добро оладено, додадете го ситно сецканиот магдонос (кај мене не го сакаа, па затоа ми послужи само за декорација) и измиксирајте го со миксер за поубава и покремаста структура.
Мачкајте ги розен корите со по 3-4 лажици од филот. Ставете нешто тешко одозгора да притиска и оставете ги преку ноќ убаво да се соединат.
Пред да ја исечите на ситни парчиња, премачкајте ја со цврста кисела павлака, наросете со рендан кашкавал или украсете по желба.