Испечати

Сонце погача

Сонце погача

Состојки

  • тесто
  • 800гр бело брашно + вода по потреба (окулу 200 - 300 мл)
  • 200гр пченкарно брашно
  • 1 мал филџан јогурт
  • 1 квасец
  • 1/2 мал.филџан зејтин
  • 2 лаж.г оцет
  • 1 л.м сол
  • фил
  • 1кг спанаќ
  • 500гр урда
  • 1-2л.г сол
  • за премачкување
  • 1 жолчка

Подготовка

Идејата за ваква погача ја видов пред неколку месеци на интернет и ми изгледаше многу интересно. Под сликата немаше рецепт, па решив сама да си го смислам и да пробам да ја направам. И многу успешно искочи, па затоа решив да ја споделам со вас.

1. Се замесува меко тесто и се остава да стаса.
2. Додека тестото стасува се подготвува филот. Спанаќот се чисти, се мие и се посолува. Се остава да постои 10-15 мин и откога ќе пушти вода убаво се истиснува, се става во подлабок сад и се додава урдата.
3. Откога тестото е стасано се размесува и повторно се остава да стаса.
4. Кога повторно ќе стаса се дели тестото на два еднакви дела. Од првиот дел се расукува убава округла кора и почнува да се филува. Фил се става на средината како топче и по крајот во вид на венче (како на сликата)
Потоа од другата кора исто така се расукува округла кора и се става врз првата кора со фил.
Краевите со фил се сечат на тенки ленти и полека со една вилушка се поткреваат и се виткаат на една страна.(како на слика)
5. Откога ќе се исече и извитка питата се премачкува со жолчка и се посипува со непечен сончоглед.
6. Се пече во загреана рерна на 20Ц 20мин, а потоа уште 40мин на 180Ц

Јас користев и хартија за печење зошто полесно ми беше да ја сечам на работна маса, а после само да ја префрлам во тава за печење

Пријатен апетит !!!