Посен ориз со шампињони
Состојки
- 300 гр ориз
- 350 гр свежи шампињони
- 1 мала главица кромид
- 2 чешниња лук
- 2-3 лажици сецкан магдонос
- по вкус сол, бибер и мешан сув зачин
- по потреба масло
- по потреба жешка вода
Подготовка
1. Шампињоните исчистете ги и исецкајте ги на тенки ливчина.
2. Кромидот и лукот исецкајте ги и во тава со масло малку пропржете ги. Потоа додајте ги шампињоните и пржете ги додека испари течноста што ја пуштаат.
3. Додајте го оризот и измешајте. Додајте ја водата (колку мислите дека е потребно за варење на оризот), магдоносот, зачините по вкус и оставете да се вари додека омекне оризот.
4. Готовиот ориз послужете го топол со свежа салата или на овој начин може да ви послужи како прилог на риба или месо.