Кошнички со чоколаден крем
Состојки
- смеса за кошничките
- 250 гр мелени ореви
- 500 гр шеќр во прав
- 2 белки
- крем
- 4 јајца
- 2 жолчки
- 6 лажици шеќер
- 6 лажици брашно
- 5 ванили
- 1 (250гр) маргарин
- 1 (100гр) чоколада за готвење
Подготовка
Ова се моите омилени колачиња кои секогаш ги правам за свечености.
За кошничките се матат белките кратко колку да се запенат , им се додаваат оревите и шеќерот во прав. Се меси смесата со рака убаво да се соединат состојките. Со калапче се формират кошничките и се стават на послужавник.
За кремот се матат јајцата и двете жолчки со шеќерот убаво да се згуснат. Се додават брашното и ванилите и се вари крем на пареа. На крај се додава чоколадата и се остава да се олади. Оладениот крем се соединува со изматениот маргарин.
На секоја кошничка со шприц се става од кремот.