Чокобанани
Состојки
- 2 банани
- 2 лажици кокосов путер
- 1 лажица какао
- 2 лажици мед
- една рака сечкани ореви
Подготовка
Ова е повеќе идеја отколку рецепт. Во недостаток на време, а сепак да се задоволат страстите за благо на моите деца, ги спремам овие чокобанани.
1. Бананите ги лупиме и ги сечеме на тркалца.
2. Путерот го ставаме на најтивко на рингла да се стопи па го додаваме какаото, убаво промешуваме и на крајот го ставаме медот. Оставаме некоја минута да се излади и згусне.
3. Секое тркалце од банана го натопуваме во чоколадниот прелив и го наросуваме со сечкани ореви.
Толку. Оставаме во фрижидер некоја минута да се стегне чоколадото и уживаме во радоста на децата.