Посен сахер колач
Состојки
- 500 мл вода
- 200 гр интегрално брашно
- 250 гр бело брашно
- 300 гр кафеав шеќер
- 100 мл масло
- 30 гр какао
- 1 ванилен шеќер или екстракт од ванила
- 15 гр прашак за пециво
- За фил
- 5-6 полни лажици мармалад од кајсии
- За глазура
- 100 гр посно чоколадо за готвење
- 1 лажица маргарин
- 50 мл млеко од соја
Подготовка
Барајќи рецепт по интернетов за посна сахер торта наидов на мнооогу рецепти. Јас се одлучив за овој начин со интегрално брашно и вистински вкусен колач испадна.
Рерната уклучете ја да се загрее на 180 степени.
Во еден сад измешајте ги сите суви состојки и потоа додајте го маслото и водата. Измешајте ги со жица или голема лажица да се изедначат и да нема грутчиња. Смесата истуретеја во плехче (25х30) намачкано со маргарин или масло и посипано со брашно. Печете околу 30-35 минути или проверете со чепкалка да излезе сува при проверувањето.
Печениот колач оставете го да олади и потоа хоризонтално исечете го на половина. Премачкајте го со мармаладот на средината и одозгора. Чоколадата стопете ја заедно со маргаринот и млекото и прелијте го колачот.
Оставете го да се стегне на ладно, потоа послужете го исечен на коцки. А по желба може да се сервира со изматена растителна павлака.