Посна манџа со ориз
Состојки
- 1 чаша од 250 мл ориз
- 2 средни компири
- 1 парче праз ( колку една педа) праз
- 5-6 суви пиперки
- 1 лажиче црвен пипер
- 1 морков
- по потреба масло
- по вкус сол, мешан сув зачин и бибер
- 3-4 чаши вода
- 1-2 лажици сецкан магдонос
Подготовка
Компирите излупете ги и сечете ги на тенки плочки.
Пиперките исчистете ги од семето и исечете ги на парчиња, а морковот на ситни коцки.
Празот исецкајте го и заедно со морковот ставете ги во тава со масло и малку пропржете ги. Потоа додајте ги оризот, компирите, пиперките, магдоносот, црвениот пипер и измешајте ги. Додајте ја водата и зачинете по вкус. Оставете да вари додека течноста испари и оризот се свари.
Готовата манџа послужете ја топла со лепче и салата по избор.