Мини солени пецива
Состојки
- 500гр брашно
- 1 коцка квасец (40гр)
- 2 лажици шеќер
- 1 лажица сол
- 250мл млеко
- 3 лажици маслиново масло
- 3 лажици мелено ленено семе
- 150гр ситно сецкана шунка
- 150гр сирење
- 250гр маргарин
Подготовка
Квасецот се става во млекото да стаса. Одкако ќе стаса се додава шеќерот, солта, зејтинот, лененото семе и се замесува тесто.
Тестотосе остава да се одмори-да стаса. Се премесува убаво и се додава шунката и сирењето. Се меси и се остава 30 минути да одмори.
Маргаринот се растопува. Од стасаното тесто се земаат топчиња и се макнуваат во стопениот маргарин, па се редат во неподмачкан плех. Се печат на 200степени околу 20 минути.
Овие солени топчиња се одлични за забави, родендени, а и како вкусен топол појадок.