Ружи со вишни
Состојки
- тесто
- 450 гр брашно
- 10 гр квасец
- 50 гр шеќер
- 1 јајце
- 7о мл вода
- 100 мл млеко
- 50 гр маргарин
- 1 лажичка оцет
- прстофат сол
- фил
- 250 гр замрзнати вишни(може и свежи)
- 100 гр шеќер
- 1 пудинг ванила
- 4 лажици вода
Подготовка
Од дадените состоји се меси тесто и се остава да стаса. Додека стасува тестото се подготвува филот. Вишните и шеќерот се блендират во блендер и се стават на оган да се варат. Откога ќе зовријат се додава пудингот растворен со 4 лажици вода и се вари да згусне.
Стасаното тесто се сука во правоаголник и се премачкува со изладениот фил, се мота ролат и се сече на 12 дела. Парчињата од ролатотсе редат во калап за мафини претходно намачкан со маргарин. Се печат 25 минути на 200 степени. Изладени се посипуваат со шеќер во прав.