Лазањи со домашно приготвено тесто
Состојки
- тесто за лазањи
- 400гр брашно
- 4 јајца
- 4 лажици млеко
- 1/2 лажичка сол
- фил
- 500гр мелено месо
- 1 главица кромид
- 750гр доматно пире
- 3 листови ловор
- 150мл црно вино
- 1-2 моркови
- 2 чешниња лук
- 1 лажица оригано
- 1/2 лажица босилек
- бешамел
- 50гр маргарин
- 2 лажици брашно
- 300 мл млеко
- 3 лажици пармезан
- 200гр кашкавал
Подготовка
Тесто
Се замесува тесто од брашното, јајцата и млекото. Тестото убаво се меси да се добие мазно и тврдо тесто. Се расукува на тенки кори и се сече во зависност од плехот во кој се подготвуваат лазањите. Ако имате дома машина за јуфки најубаво е низ неа, ама за тие што немаат може да се послужат и со сукало и ќе го добијат истиот ефект. Одкако ќе се исечат парчињата, се редат на побрашнета салфетка или чаршав и се оставаат да се просушат. Јас тоа го правам на зима и на термо печка.
Фил
Кромидот се сече и се пржи на загреан зејтин. Одкако ќе застакли се додава месото и се пропржува. Се додава и доматното пире, ловоровиот лист и се остава да врие 10 минути со повремено мешање. На крај се додава виното, ориганото, босилекот, лукчето и сол и црн бибер.
Бешамел
На маргаринот се запржува брашното, па се налева со врелото млеко и се вари 5 минути. Кон варениот сос се додава и пармезанот.
Во соодветна тава-плех се реди ред лазањи, па од готовиот сос па од бешамелот. Така се постапува додека се потроши целиот фил. На последниот ред се реди кашкавалот. Тавчето се покрива со алуминиумска фолија и се става во загреана рерна околу 1час на 180степени. 10 минути пред крај се одстранува фолијата и се допечува да фати убава коричка.
Рецепти за лазањи има многу но начјесто кај нас поминуваат по овој рецепт.