Неделен сладок леб со суво грозје (рецепт за пекач)
Состојки
- 300мл. вода
- 2 1/2 лажици путер или маргарин на собна температура
- 1 1/2 лажица мед
- 1 лажиче сол
- 540гр. бело брашно
- 100гр. суво грозје
- 2 лажички сув квасец
Подготовка
Уште еден од листата на рецепти за леб подготвен во пекач. Идеален за појадок со додаток на мармалад, мед, путер....изборот е ваш.
Состојките од рецептот по ред ставете ги во модлата за печење. Изберете ја функцијата за слатко пециво, за тежина на лебот изберете 1000 гр. и по ваш избор опција за печење.
Вклучете го пекачот и после три часа уживајте во тазе печеното, топло и слатко лепче.
Лебот може да го подготвите и без пекачот. Во тој случај сите состојки изматете ги со миксер. Тестото двапати се премесува (мати), после второто премесување се става во модлата и откако ќе стаса се пече. Печете на 180° во претходно загреана рерна.