Тава црвен ориз со компири
Состојки
- 200 гр свинско месо од плешка
- 4 средни компири
- 200 гр ориз
- 1 главица кромид
- 1 домат (јас користев смрзнат)
- малку масло
- 1 лажичка црвен пипер
- по вкус сол и бибер
- околу 800 мл топла вода
Подготовка
Уште едно од брзите јадења во мојата кујна. Традиционално се припрема посно, но нам вака ни е повеќе по вкус.
Рерната вклучете ја на 200 степени.
Месото исечете го на мали долги парчиња, кромидот ситно исечкајте го, компирите излупете ги и исечкајте ги на тенки полукругови, а доматот излупете го и исечкајте го на коцкички.
Тавата во која ќе печете ставете ја на рингла да се загрее. На малку масло пропржете го кромидот. Потоа додадете го месото и пржете го кратко да фати боја. Додадете ги исечканите компири, промешајте и кратко пропржете. Потоа следува оризот и на крај доматот. Додадете ги зачините, налијте ја топлата вода и се измешајте.
Печете додека целата тава да добие убава боја, околу 40 минути.
Пријатен апетит!
Место домат може да употребите околу 200 мл сок од домати.