Крем торта

Подготовка

Тортата која ќе ја прикажам е направена по повод роденденот на мажот ми.
Одзема малку повеќе време, но се исплати да ја направите.

Пандишпанот го подготвуваме прв.

Ги делиме белките од жолчките и матиме со миксер заедно со 8 лажици шеќер.
Додаваме лебни трошки и брашно, па мелените ореви, а на крај додаваме сок од исцеден лимон.
Тавата е обложена со хартија и ја истураме смесата.
Печеме проверувајќи со чeпкалка. (околу 15 мин )
Изладен, пандишпанот го делиме на 2 дела.
Откако е готов пандишпанот го оставаме на страна и одиме со подготовка на филот.

Фил

Ставаме 400 мл млеко и додаваме шеќер.
Жолчките ги матиме со маталка и додаваме 100 мл млеко, а потоа го додаваме и прашокот за пудинг.
Оваа смеса ја додаваме во врелото млеко и мешаме додека да ја добиеме потребната густина. Тргаме од оган и оставаме да излади.
Откако е изладеноо додаваме 250 гр путер во филот и мешаме повторно со миксер.
Потоа филот го делиме на два дела и во едниот дел додаваме растопена чоколада.
Бананите ги сечеме на тркалца.
Почнуваме да ја редиме тортата.
Прв ред е половина од пандишпанот.
Го премачкуваме со 250 гр еурокрем, па редиме бискивити.
Врз бисквитите го ставаме белиот фил, а потоа редиме ред од банани.
Повторно го додаваме пандишпанот премачкан со другата половина од еурокремот и пак врз него редиме бисквити.
Бисквитите овој пат ги премачкуваме со црниот фил, а врзнего повторно редиме бисквити.
(мене во должина ми испаднаа 6, во ширина 3 реда бисквити )

Слатката павлака ја матиме да постигнеме густина и со шприц за декорирање, декорираме од страната на тортата.
Врз секоја бисквита додаваме по малку од слатката павлака, а врз неа по мали парченца кива.
Декорирав и со зелена боја, да добијам поубав изглед на тортата.
Тоа го добив со додавање на зеленка боја во слатката павлака.
Тортата е многу вкусна.
Уште повкусна е да ја оставите еден ден да легне, а потоа да ја служите.
Пробајте, па кажете.
На здравје