Две комбинации на пита од готови кори
Состојки
- 500 гр готови кори за пита
- Прв фил
- 3 јајца
- 200 мл или 1 чаша јогурт
- 1 чаша (истата) масло за јадење
- 1 чаша (истата) газирана вода
- 1 чаша (истата) палента
- 1 пециво
- 1 лажичка сол
- Втор фил
- 200 гр сирење
- 300 гр обарен, сецкан спанаќ
- Трет фил- втора опција
- 200гр сецкана салама по избор
- 200 гр кашкавал
- 200гр сецкани печурки
- 2-3 лажици кисела павлака
Подготовка
Оваа пита често ја правам од причина што е многу вкусна, а и многу брзо се подготвува. Со денешниов начин на живот, тоа се бара...
Подготовка на првиот фил
Во подлабок сад изматете ги јајцата и додадете ги сите наведени состојќи.
Подготовка на вториот фил
Изгмеченото сирење измешајте го со претходно исцедениот спанаќ и додадете неколку супени лажици од првиот фил и измешајте повторно.
Третиот фил е втора опција за полнењето на питата - сите состојки исецкани измешајте ги со киселата павлака и неколку лажици од првиот фил.
Сега да ги наредиме корите
Ставете една кора и пропрскајте ја со 1-2 лажици од првиот фил. Врз неа ставете втора кора, исто пропрскајте ја и на едниот крај нередете од вториот фил. Потоа свиткајте во ролна и ставете во тепсија обложена со хратија за печење. Ако корите што сте ги купиле се нешто подебели, тогаш може да ставате само по една кора во ролна.
Откако ќе ги потрошите корите одозгора полијте ги убаво со преостанатата количина од првиот фил. Посветете внимание на краевите од ролните и убаво натопете ги со филот за да не се исушат при печењето. Печете на 200 степени дури не порумени.
Чаша јогурт или кисело млеко секако е неизбежен додаток за оваа пита.
Добар апетит!