Посна сарма со ориз и туна
Состојки
- 1 помала кисела зелка
- 200 гр ориз
- 1 паковка туна
- 2 страка праз
- 80-100мл масло
- 1 лажица црвен пипер
- 1 лажица мешан зачин
Подготовка
За подготовка на овој убав рецепт, потребно е да се извади подебелиот дел на листовите од зелката. Кога листовите се спремни за виткање, го подготвуваме филот.
Во масло пропржуваме ситно сецкан праз.
Кога ќе омекне, додаваме ориз и промешуваме.
Зачинуваме и додаваме црвен пипер. Откако е готово го вадиме филот од оган, па додаваме едно кутиче риба--ТУНА.
Промешуваме да се соедини. Ги полниме листовите од зелката и виткаме ролатчиња.
Секое парченце го редиме во тавата потстиснувајќи ги.
Полеваме една чаша расолница, и додаваме вода колку да ги покрие сармичките.
Ставете во рерна на 150 степени и печете ги додека не искрчка водата.
Забелешка...
Понекогаш сармичките ги крчкам и на шпоретот на крајот од ринглата.
Ја виткам од вечер, а крчка настрана до сабајлето.
За нас ова јадење е омилено, а вие, ќе кажете.
На здравје