Паштета од црвен грав, праз и чајна салама
Состојки
- 500гр црвен грав
- 1 парче праз
- 150гр чајна
- 1 мала лажичка сол
- 1/2лажичка црн бибер
- 3 лажици зејтин
- 1/2 лажичка сенф
- 1 лажичка зачин
Подготовка
Гравот се налева со вода и се става да се вари. За разлика од обичниот бел грав времето на варење е подолго. Составот на зрното е погуст и е одличен за паштета.
Одкако ќе се свари се остава да се подолади, а потоа се блендира заедно со празот и чајната салама.
Празот и чајната се сечат на тркалца за полесно да се изблендираат. Во блендерот се ставаат сите состојки заедно и се додаваат и зачините. Се добива густа паста во која се разбира може да се додадат плус зачини во зависност од желбата на домашните.
Паштета е одлична и кај мене на тој начин го решив проблемот со тие што не сакаат грав, ама паштета сакаат.